توتن هۆكارێكی سه‌ره‌كییه‌ بۆ تووشبوون به‌شێرپه‌نجه‌و

- ـ توتن هۆكارێكی سه‌ره‌كییه‌ بۆ تووشبوون به‌شێرپه‌نجه‌و دیارده‌ی پیربوونی
پێشوه‌خته‌، به‌ڵام توێژینه‌وه‌ نوێیه‌كان ده‌ریانخست تۆوی توتن
مادده‌یه‌كی تێدایه‌ بۆ پاراستنی جوانی ده‌ست ده‌دات.
ئاژانسی "سی ئێن ئێن" بڵاویكرده‌وه‌، "عودید شۆسیۆف" توێژه‌ری به‌ڕه‌گه‌ز
جوله‌كه‌ له‌زانكۆی عیبری له‌ قودس، گه‌یشته‌ ئه‌و ده‌ره‌نجامه‌ی تۆوی توتن
به‌كاردێت بۆ به‌رهه‌مهێنانی جۆرێك له‌ كۆلاجین هاوشێوه‌ی كۆلاجینی مرۆڤ.

مادده‌ی كۆلاجین به‌شێوه‌ی جیاواز له‌ناو له‌شی مرۆڤدا هه‌یه‌ و ئه‌ركی
پاراستنی ته‌ندروستی خانه‌ و هێشتنه‌وه‌ی جومگه‌كان و پێسته‌ به‌شێوه‌یه‌كی
ته‌ڕ و پاراو،

لێكۆڵینه‌وه‌كان ده‌ریانخستووه‌ جگه‌ره‌كێشان هۆكارێكه‌ بۆ له‌ناوبردنی
كۆلاجین له‌ناوله‌شی مرۆڤ، كارده‌كاته‌ سه‌ر وشكهه‌ڵهاتنی پێست و
ده‌ركه‌وتنی نیشانه‌كانی پیربوون، زۆربه‌ی به‌رهه‌مه‌ بازرییه‌كانی كۆلاجین
له‌بازاڕدا له‌ به‌رهه‌مه‌ ئاژه‌ڵییه‌كانی جۆری مانگا و به‌راز و
پاشماوه‌ی لاشه‌ی مرۆڤن.

به‌وته‌ی نوا لابیدۆ جێگری سه‌رۆكی كۆمپانیای "كۆلبلانت" ئه‌و كۆلاجینه‌ی
له‌ تۆوی توتن به‌رهه‌م دێت جۆرێكی ده‌گمه‌نه‌ و زۆر له‌و كۆلاجینه‌ ده‌چێت
كه‌ له‌ له‌شی مرۆڤدایه‌".
وتیشی: " گرنگی ئه‌م كۆلاجینه‌ له‌وه‌دایه‌ كه‌ سه‌رچاوه‌كه‌ی رووه‌كه‌
نه‌ك ئاژه‌ڵ، كه‌ زۆر باشتر هه‌ڵده‌ستێت به‌ئه‌ركی پاراستنی ته‌ندروستی
خانه‌".
لابیدۆ به‌دوریشی زانی له‌ئێستادا بتوانرێت كۆلاجینی به‌رهه‌مهاتوو له‌
تۆوی توتن له‌به‌رهه‌مه‌ جوانكارییه‌كاندا به‌كار بهێنرێت له‌به‌ر زۆر
تێچوون.
روونیشیكرده‌وه‌ "له‌وانه‌یه‌ چه‌ند ساڵێكی تر ئه‌و جۆره‌ كۆلاجینه‌ نرخه‌كه‌ی گونجاو بێت و ده‌ستبدات بۆ به‌كارهێنان".


http://www.up.kurdclick.net//uploads/images/kurdclick1dc2ee3533.jpg