که م خه وی ده بێته هۆی قه ڵه وی منداڵان

خه‌ون بۆ منداڵان به‌قه‌ده‌ر خواردن گرینگی هه‌یه‌، له‌ئه‌نجامی
لێكۆڵینه‌وه‌یه‌كی پزیشكی دا ده‌ركه‌وتووه‌ نه‌خه‌وتنی منداڵان به‌ڕاده‌ی
پێویست ده‌توانێ وه‌كوو نه‌خۆشییه‌ك كاربكاته‌ سه‌رجه‌سته‌یان و تووشی
قه‌ڵه‌وی له‌ڕاده‌به‌ده‌ریان بكات. به‌گوێره‌ی راپۆرتێكی تیلڤیزیۆنی
وه‌رگیراو له‌"شین هوا"، توێژینه‌وه‌یه‌كی نوێ نیشان ده‌دات، مه‌ترسی
تووشبوونی به‌قه‌ڵه‌وی له‌ڕاده‌به‌ده‌ر له‌و منداڵ و ساوایانه‌ی له‌شه‌وو
ڕۆژدا به‌ڕاده‌ی پێویست ناخه‌ون زۆره‌. له‌و توێژینه‌وه‌یه‌دا 930منداڵی
ئه‌مه‌ریكی به‌سه‌ر دوو گرووپی1تا 59مانگه‌و 5تا 13ساڵ دابه‌ش كران،
توێژینه‌وه‌كان نیشان ده‌دات منداڵانی گرووپی یه‌كه‌م به‌درێژایی شه‌و10
كاتژمێرو گرووپی دووهه‌م نزیكه‌ی 5/9 كاتژمێر ده‌خه‌وتن، به‌ڵام له‌و
نێوانه‌ش منداڵانێك هه‌بوون ته‌نیا 5كاتژمێر ده‌خه‌وتن. پاش 5 ساڵ
چاوه‌دێریی كردنیان، 33له‌سه‌دی منداڵانی گرووپی یه‌كه‌م و36له‌سه‌دی
منداڵانی گرووپی دووهه‌م تووشی قه‌ڵه‌وی له‌ڕاده‌به‌ده‌ر ببوون،
هۆكاره‌كه‌شی به‌گوێره‌ی پێویست نه‌خه‌وتنه‌. خه‌وی نیوه‌ڕوان نابێته‌هۆی
قه‌ڵه‌وی، به‌ڵام ناتوانی جێگای خه‌وی نیوه‌شه‌وان بگرێته‌وه‌.