له‌ دیدارێكی ڕاسته‌وخۆدا قه‌ره‌زاوی و ڕه‌فسه‌نجانی داوای ڕاگرتنی ناكۆكییه‌كانی نێوان شیعه‌ و سوننه‌ ده‌كه‌ن

دانراوه له لایه‌ن:

ده‌نگی ئیسلام



ڕێكه‌وت:
٢/١٤/ ٢٠٠٧




له‌ دیدارێكی ڕاسته‌وخۆدا قه‌ره‌زاوی و ڕه‌فسه‌نجانی داوای ڕاگرتنی
ناكۆكییه‌كانی نێوان شیعه‌ و سوننه‌ ده‌كه‌ن



بڕیار
وایه‌ ئه‌مڕۆ چوارشه‌ممه‌ دوكتۆر یووسف قه‌ره‌زاوی سه‌رۆكی یه‌كێتیی
جیهانیی زانایانی موسوڵمان و هاشمی ڕه‌فسه‌نجانی سه‌ركۆماری پێشووی كۆماری
ئیسلامیی ئێران له‌سه‌ر شاشه‌ی كه‌ناڵی ئاسمانیی ئه‌لجه‌زیره‌ له‌ كاتژمێر
(٠٧:٣٠) به‌ كاتی مه‌ككه‌ی پیرۆز دیدارێكی ڕاسته‌وخۆ ئه‌نجام بده‌ن و
تێیدا داوا له‌ هه‌موو خه‌ڵكی عێراق به‌ شیعه‌ و سوننه‌یه‌وه‌ بكه‌ن
تاوه‌كوو ناكۆكییه‌كان نه‌هێڵن و ڕێگری بكه‌ن له‌ سه‌رهه‌ڵدانی هه‌ر جۆره‌
گرفتێكی تیره‌یی و دۆزینه‌وه‌ی ڕێگه‌چاره‌ بۆی.


له‌و باره‌وه‌ دوكتۆر موحه‌ممه‌د سه‌لیم عه‌وا, ئه‌مینداری گشتیی
یه‌كێتیی جیهانیی زانایانی موسوڵمان، ڕایگه‌یاند ئه‌و دیداره‌ له‌ژێر
چاودێریی یه‌كێتیی زانایان و به‌ هاوكاری كه‌ناڵی ئاسمانیی ئه‌لجه‌زیره‌
ده‌بێت، كه‌ ئومێد ده‌خوازین سه‌ره‌تایه‌ك بێت بۆ نه‌هێشتنی ناكۆكییه‌كانی
نێوان سوننه‌ و شیعه‌ له‌ عێراق.

ناوبراو ئه‌وه‌شی ڕاگه‌یاند كه‌ ته‌وه‌ره‌ی سه‌ره‌كیی دیداره‌كه‌
بریتی ده‌بێت له‌ سیماكانی فیتنه‌ی تیره‌گه‌ریی نێوان شیعه‌ و سوننه ‌و
هه‌روه‌ها ڕێگه‌چاره‌كانی نه‌هێشتنی.

ــــــــــــــــــــــــــــــــــــــــــــــــــــــــ

ئیسلام ئۆنلاین