سوده‌کانی‌ گێلاس بۆ مرۆڤ

لێكۆڵینه‌وه‌كان ئاشكرایانكردوه‌ خواردنی‌ گێلاس به‌ گشتی‌ سودێكی‌ زۆری‌
هه‌یه‌ بۆ مرۆڤ، به‌ شێوه‌یه‌كی‌ سه‌ر‌نج راكێش سوڕی‌ خوێن رێك ده‌خات و
توانای‌ پاكردنه‌وه‌ی‌ دڵی‌ هه‌یه‌ له‌و چه‌ورییانه‌ی‌ رێگری ده‌که‌ن
له‌وه‌ی خوێن به‌شێوه‌یه‌كی‌ پێوست بچێت بۆ دڵ.
پێكهاته‌ی‌ گێلاس له‌چه‌ند ئه‌نزیمێكی‌ هه‌رسكه‌ر پێكهاتوه‌، واته‌ توانای‌
تواندنه‌وه‌و هه‌زمكردنی‌ خۆراكی‌ هه‌یه‌ به‌ تایبه‌تی‌ بۆ ئه‌و
كه‌سانه‌ی‌ له‌ ته‌مه‌ندان، هه‌روه‌ها توانای‌ له‌ناوبردنی چه‌ندین به‌
كتریای‌ هه‌یه‌ له‌ جه‌سته‌ی‌ مرۆڤدا ئه‌گه‌ر بێت و رۆژانه‌ وه‌ك
میوه‌یه‌كی‌ سه‌ره‌كی‌ به‌كاربهێنرێت.
هه‌روه‌ها له‌ چه‌ندین خوێی‌ كانزایی‌ پێكهاتوه‌ وه‌كو پۆتاسیۆم كه‌
كاریگه‌ری‌ به‌رچاوی‌ هه‌یه‌ له‌ تواندنه‌وه‌ی‌ خوێی‌ سۆدیۆمی‌ زیاده‌ له‌
جه‌سته‌ی‌ مرۆڤدا.
هاوكات لێكۆڵینه‌وه‌یه‌كی‌ ئه‌مه‌ریكی‌ ئاشكرایكرد خواردنی‌ گێلاس كێشی‌
مرۆڤ به‌شێوه‌یه‌كی‌ به‌رچاو داده‌به‌زێنیت، به‌تایبه‌تی‌ ئه‌و
قه‌ڵه‌وییانه‌ی‌ به‌هۆی‌ ماده‌ كیمیایه‌كانه‌وه‌ كێشی‌ مرۆڤیان زیاد
كردوه‌و ترسناكی‌ زۆری‌ هه‌یه‌ له‌توشبون به‌ نه‌خۆشی‌ شێرپه‌نجه‌.
بۆ ئه‌و مه‌به‌سته‌ش لێکۆڵه‌ران و پزیشکان پێشنیاریان کردوه‌ به‌ خواردنی‌
ئه‌م میوه‌یه‌ دوای‌ نان خواردن، تاوه‌كو بتوانێ‌ ریشاڵه‌ خۆراكییه‌كان
بتوێنێته‌وه‌ و له‌ ناویان به‌رێت.