چەند نەخۆشییەكی نەزانراو كە لەڕێگەی ئەنجامدانی سێكسەوە دەگوازرێنەوە

زۆركات لەڕێی ئەنجامدانی پەیوەندی سێكسییەوە چەند جۆرە نەخۆشییەك لەنێوان كەسەكاندا دەگوازرێتەوە و هەندێكجاریش هەر هەستی پێناكرێت, یان پشتگوێ‌ دەخرێت, ئەوە جگە لەنەخۆشیە ترسناكەكانی وەك ئایدز و زوهری و سلفس .
لێرەدا باس لەهەندێك لەو نەخۆشییانە دەكەین كە لەڕێی ئەنجامدانی كاری سێكسییەوە دەگوازرێنەوە و هەوكردنیش نین, بەڵكو ڤایرۆسین, كە دیارترینیان ئەمانەن :
1 / هەوكرنی ئەندامی زاووزێ‌ :
هەوكردنی بۆری ئەندامی زاووزێیە و لەهەردوو ڕەگەزی ژن و پیاویشدا دەردەكەوێ‌ و لەڕێی ئەنجامدانی سێكسەوە بۆ یەكتر دەگوازرێتەوە و هەندێكجاریش نیشانەكانی دەرناكەوێت, یان پاش چەند جارێك دەردەكەوێت, بۆ چارەسەركردنیشی پێویستە پزیشكی پسپۆڕ بیبینێ‌ و دەرمانی دژە هەوكردنی بۆ بەكاربهێنێت .
2 / سوربوونەوەی پێست :
هەندێكجار جار لەدوای پەیوەندیە سێكسیەكە دەگوازرێتەوە و ماوەی ( 3 ) ڕۆژ دەمێنێتەوە و بۆ چارەسەر كردنیشی پێویستە كرێمی تایبەتیی لێبدرێ‌ و جل و بەرگەكانی ژێرەوەش بە جوانی پاك بكرێتەوە .
3 / بۆنكردن و سپی بوونی ئەندامی زاووزێ‌ :
یەكێكی تر لەو نەخۆشییانە ئەوەیە كە ئەندامی زاووزێیان سپی دەبێت و بۆنی لێدێت, ئەوەش بەهۆی گۆڕانی ڕێژەی ( P H  ) و بۆ چارەسەركردنیشی پێویستە پزیشكی پسپۆڕ بیبینێت .
4 / ئازاری ئەندامی زاووزێ‌ :
بەهۆی هەوكردن و گواستنەوەی ڤایرۆسەكەوە بۆی, كەسەكە تووشی ئازاری دەوروبەری ئەندامی زاووزێی دەبێتەوە و پێویستە زوو چارەسەر بكرێ‌ و پشتگوێ‌ نەخرێت .
5 / هەوكردنی شێوە گوڵی :
هەوكردنێكی درمە, لەڕێگای بەكتریای ( treponema pallidum  ) وە دەگوازرێتەوە و زۆر بەئاسانی لەڕێی پێگەیشتنی ئەندامی زاووزێوە دەگوازرێتەوە و بەتەنهاش لەساڵی ( 2014 ) دا ( 4,045 ) كەس لە ئینگلتەرا تووشی ئەو نەخۆشیە ترسناكە بوون .
ئەو هەوكردنە جگە لەئازارەكەی, شێوەیەكی ناشرینیشی هەیە و چارەسەرەكەیشی ماوەی ( 6 ) هەفتەی پێدەچێت .