گه‌نمه‌شامی‌ و نهێنیه‌ شاراوه‌كانی‌

منداڵان ئاره‌زوی‌ خواردنی‌ گه‌نمه‌شامی‌ ده‌كه‌ن و داوای‌ ده‌كه‌ن، كاتێك
له‌به‌ر دڵی‌ ئه‌وان بۆیان ده‌كڕین یا دروستی‌ ده‌كه‌ین بۆیان، ده‌بێ‌ وریا
بین كه‌ خواردنی‌ گه‌نمه‌شامی‌ له‌گه‌ڵ ئه‌وه‌ی‌ چێژێكی‌ تایبه‌تی‌
هه‌یه‌، له‌ هه‌مان كاتدا زه‌ره‌رمه‌ندیشی‌ هه‌یه‌.
یه‌كێك له‌هه‌ره‌ مه‌ترسی و كێشه‌كان زیادبونی‌ كێشه‌ كه‌ چاوه‌ڕوان
ده‌كرێت هه‌ر ده‌نكێك له‌ گه‌نمه‌شامی‌ ده‌نكێك بێت له‌ حه‌بی‌ قه‌ڵه‌و‌ی‌،
لێكۆڵینه‌وه‌كان ئه‌وه‌یان ئاشكراكردوه‌ خواردن و گیرۆده‌بونی منداڵان زۆر
زیانی‌ هه‌یه‌ له‌سه‌ر ته‌ندروستیان، كه‌ ده‌بێته‌ تێكچونی‌ هۆرمۆن و
چه‌ند نه‌خۆشیه‌كی‌ چاوه‌ڕوان نه‌كراو له‌ منداڵاندا كه‌ ترسناكی‌ زۆری‌
هه‌یه‌.
لێکۆڵه‌ران به‌شێوه‌یه‌كی‌ زانستی‌ سه‌لماندیان و نمونه‌یان دا له‌سه‌ر
خواردنی‌ گه‌نمه‌شامی‌، که‌ ئه‌گه‌ر بێت و كه‌سێك له‌كاتی‌ سه‌یركردنی‌
فلیمێكدا یه‌ك پۆكێت (زه‌رف) گه‌نمه‌شامی‌ بخوات، ئه‌وا 1200 كالۆری‌
ده‌خوات و 980 میلگرام سۆدیۆم ده‌خوات، كه‌ 60 گرام كێشی‌ راسته‌وخۆ زیاد
ده‌كات، هه‌روه‌ك خواردنی‌ یه‌ك پارچه‌ په‌نیر وایه‌ كه‌پێكهاتوه‌ له‌ 130
(كالۆری)‌.
نابێ‌ ئه‌وه‌ش له‌یاد بكه‌ین كه‌ خواردنی‌ گه‌نمه‌شامی‌ بۆ تێر بون نیه‌
وه‌كو ژه‌مێك بخورێ‌، به‌ڵكو ته‌نها دڵ ئاره‌زوی‌ پێده‌كات له‌كاتی‌ بێ‌
كاریدا یان ده‌ست به‌تاڵیدا.
ئه‌مڕۆ له‌ سینه‌ما و شوێنه‌ گشتییه‌كاندا به‌ چه‌ندین جۆر گه‌نمه‌شامی‌
ده‌بینین كه‌ ئاماده‌كراون بۆ خواردن و له‌ چه‌ند كیسی‌ جیاوازدا
ئاماده‌كراون، وه‌ك: بچوك، مامناوه‌ند، گه‌وره‌، كه‌ بچوكترینیان پێكهاتوه
له‌‌ 670 كالۆری‌ و 550 میلیگرام سۆدیۆم، ئه‌مه‌ش ده‌بێته‌ زیادكرنی‌ كێش
بۆ 24 گرام، چونكه‌ ئه‌م خۆراكه‌ خۆی رۆنی‌ تێدایه‌و به‌ رۆن دروست
ده‌كرێت.
بۆیه‌ خۆ به‌دورگرتن له‌ خواردنی‌ گه‌نمه‌شامی‌ ته‌ندروستیمان باشتر
ده‌كات، هاوكات پزیشكان و پسپۆڕانی‌ بواری‌ به‌روبومه‌ خۆراكیه‌كان
ئامۆژگاریمان ده‌كه‌ن به‌خۆدورگرتن له‌ خواردنی‌ و له‌بری‌ گه‌نمه‌شامی‌
ده‌كرێت میوه‌ بخورێت، چونكه‌ ته‌ندروستیمان زۆر گرنگتره‌ له‌ ئاره‌زو كردن
به‌ خواردنی‌ گه‌نمه‌شامی‌.