كاركردنی ماڵه‌وه‌ رێگا له‌شێرپه‌نجه‌ی مه‌مك ده‌گرێت

سڕینه‌وه‌، چنینه‌وه‌، قاپشتن و چێشتلێنان و ئوتوكردنی جلوبه‌رگ و
خاوێنكردنه‌وه‌ی ناو چێشتخانه‌كه‌تان له‌و كارانه‌ن كه‌ كه‌سانێكی كه‌م
مه‌یلیان له‌وردو درشتی ئه‌م كارانه‌ دێت و كه‌م نین ئه‌و كه‌سانه‌ی كه‌
رۆژانه‌ ئه‌م كارانه‌ دووباره‌ ناكه‌نه‌وه‌و ده‌یكه‌نه‌ كاری ته‌مبه‌ڵی،
به‌ڵام ده‌رئه‌نجامه‌كان ئه‌وه‌یان پیشانداوه‌ كه‌ئه‌نجامدانی هه‌مان ئه‌و
كارانه‌ی ناو ماڵ بۆ سه‌لامه‌تی خۆمان به‌سوودن.
پپَتان سه‌یر ده‌بێت ئه‌گه‌ر بزانن ئه‌و ئیشانه‌ی رۆژانه‌ له‌ ماڵدا
ئه‌نجام ده‌درێن چه‌نده‌ وزه‌ سه‌رف ده‌كه‌ن، ئێوه‌ له‌ئه‌نجامدانی
كاره‌كانی وه‌ك پاككردنه‌وه‌ی په‌نجه‌ره‌كان و شتن و پاككردنه‌وه‌ی
چێشتخانه‌و سڕینه‌وه‌ رێژه‌یه‌كی زۆر ووزه‌ ده‌سوتێنن و ده‌توانن
به‌ئه‌ندازه‌ی ئه‌نجامدانی وه‌رزشێكی ناوه‌ند سوود به‌لاشه‌تان بگه‌یه‌نن،
بۆنموونه‌ پاككردنه‌وه‌و سڕینه‌وه‌ی چێشتخانه‌كه‌تان به‌ئه‌ندازه‌ی
وه‌رزشه‌كانی وه‌ك په‌ت په‌تێن و پاسكیل لێخوڕین ووزه‌ كارپێده‌كات له‌گه‌ڵ
رێككردنی له‌ش و دابه‌زینی كێش و گۆڕانكاری له‌هۆرمۆنه‌كاندا و
كه‌مكردنه‌وه‌ی مه‌ترسی تووشبوون به‌ شێرپه‌نجه‌ی مه‌مك كه‌م ده‌كاته‌وه‌،
بۆ دڵنیابوون ده‌توانن به‌پێی خشته‌یه‌ك ئه‌و كارانه‌ی سه‌ره‌وه‌ ئه‌نجام
بده‌ن.
به‌هۆی ئیشوكاری ماڵه‌كه‌ته‌وه‌ له‌گه‌ڵ شێرپه‌نجه‌دا بجه‌نگێ
به‌داخه‌وه‌ زۆربه‌ی ئه‌ندامانی خێزان خۆیان له‌ ئیش و كاری ماڵ
ده‌دزنه‌وه‌و ته‌واوی ئیشه‌كان بۆ ژنان به‌جێده‌هێڵن به‌ڵام پێی ناوێ
خانمان نیگه‌ران بن چونكه‌ لێكۆڵه‌ره‌وانی ئینگلیز ئه‌وه‌یان پیشانداوه‌
كه‌ئه‌نجامدانی كاری ناو ماڵ رۆژانه‌ مه‌ترسی تووشبوون به‌ شێرپه‌نجه‌ی
مه‌مك كه‌مده‌كاته‌وه‌.
له‌لێكۆڵینه‌وه‌كانی پێشووتردا ئه‌وه‌ ده‌ركه‌وتبوو كه‌له‌ ئه‌نجامی چه‌ند
وه‌رزشێكه‌وه‌ ده‌توانین رێ له‌تووشبون به‌م نه‌خۆشییه‌ بگرین به‌ڵام تا
ئه‌و كاته‌ به‌ته‌واوی كاریگه‌ری تووشبون به‌و مه‌ترسیه‌ دیاری نه‌كرابوو،
بۆیه‌ له‌لێكۆڵینه‌وه‌یه‌كدا به‌هاوكاری زانكۆی كامبریج و ئۆكسفۆردو
ناوه‌ندی لێكۆڵینه‌وه‌و كۆنتڕۆڵكردن و پێشلێگرتنی شێرپه‌نجه‌ له‌ئه‌وروپاو
به‌تایبه‌ت ئه‌ڵمانیاو به‌ریتانیاو ئیتالیا ئه‌نجامدرا ده‌ركه‌وت چالاكییه‌
فیزیكییه‌كان له‌نێوان سێ گروپدا كه‌ كاری ناو ماڵ و كاری ده‌ره‌وه‌و كاری
كه‌یف و شادیان ئه‌نجامدا له‌ ناو 218 هه‌زار ژندا كه‌ ته‌مه‌نیان
له‌نێوان 20-80 ساڵدا بوو پاش شه‌ش ساڵ و نیو 3423 یان نیشانه‌كانی نه‌خۆشی
شێرپه‌نجه‌ی مه‌مكیان تێدا ده‌ركه‌وت و ئه‌وه‌ش زانرا كه‌ به‌هۆی چالاكی
جه‌سته‌ییه‌وه‌ ژنان كه‌متر تووشی ئه‌م نه‌خۆشیه‌ ده‌بن، ئه‌م كاریگه‌ریه‌ش
له‌سه‌ر ژنانی گه‌نج زیاتره‌.
له‌كۆتایشدا ئه‌وه‌ تۆماركرا كه‌ ئه‌و ژنانه‌ی رۆژانه‌ ئیشوكاری ناو ماڵیان
ئه‌نجامده‌دا مه‌ترسی تووشبوونیان به‌نه‌خۆشی شێرپه‌نجه‌ی مه‌مك كه‌م
بووه‌ته‌وه‌ هه‌روه‌ها كاره‌كانی وه‌ك شادی و كاری ده‌ره‌وه‌ نه‌بوونه‌
ئامانجێك بۆ رێگریكرن له‌كه‌مبوونه‌وه‌ی ئه‌م جۆره‌ شێرپه‌نجه‌یه‌.

http://2upl.com//uploads/images/microkurd-1243086343.jpg.