لووتی گه‌وره‌ خاوه‌نه‌كه‌ی له‌ نه‌خۆشی ده‌پارێزێت

- ره‌نگه‌ زۆرجار له‌ناو زۆرێك له‌ گۆمه‌ڵگاكاندا گاڵته‌ به‌و كه‌سانه‌
بكرێت كه‌ لووتیان گه‌وره‌یه‌، به‌ڵام لێكۆڵینه‌وه‌یه‌كی به‌ریتانی ئه‌وه‌ی
ده‌رخستووه‌ كه‌ لووتی گه‌وره‌ سوودێكی زۆر به‌ خاوه‌نه‌كه‌ی ده‌گه‌یه‌نێت
و له‌ چه‌ندین نه‌خۆشی ده‌یپارێزێت. لێكۆڵه‌رانی به‌ریتانی ئه‌وه‌یان
ئاشكرا كردووه‌ كه‌ هه‌تا مرۆڤ لووتی گه‌وره‌ بێت ئه‌وه‌نده‌ له‌و
نه‌خۆشییانه‌ به‌دوور ده‌بێت كه‌ به‌هۆی به‌كتریا و تۆزه‌وه‌ ده‌چنه‌ ناو
جه‌سته‌ی مرۆڤ و دووچاری نه‌خۆشی ده‌كه‌ن. هه‌روه‌ها به‌پێی
لێكۆڵینه‌وه‌كه‌ ئه‌وانه‌ی لووتیان گه‌وره‌یه‌ كه‌متر دووچاری سه‌رمابوون و
تووش بوون به‌ ڤایرۆسی ئه‌نفله‌وه‌نزا ده‌بن.