ئایا نوێژ قه‌زای هه‌یه‌؟

له‌ شه‌رعدا ته‌نها دوو پاساو
هه‌یه‌ بۆ فه‌وتانی نوێژ ئه‌ویش یان له‌بیرچوونه‌ یان نوسته‌، وه‌ جگه‌
له‌م دوو حاڵه‌ته‌ هیچ حاڵه‌تێك یان پاساوێكی تر نییه‌ بۆ فه‌وتانی نوێژ،
وه‌ هه‌ر كه‌س بیری چوو نوێژێك بكات یان خه‌وی لێ كه‌وت هه‌ر كاتێك بیری
كه‌وته‌وه‌ یان خه‌به‌ری بۆوه‌ ئه‌و كات ده‌بێت نوێژه‌كه‌ بكات ، چونكه‌
پێغه‌مبه‌ری خوا(صلى الله عليه وسلم) ده‌فه‌رموێت" من نسي صلاة أو نام
عنها، فكفارتها أن يصليها إذا ذكرها" متفق علیه. واته/ هه‌ر كه‌س نوێژێكی
بیر چوو یان خه‌وی لێ كه‌وت كه‌فاره‌ته‌كه‌ی ئه‌وه‌یه‌ كه‌ هه‌ر كات بیری
كه‌وته‌وه‌ ئه‌و كاته‌ بیكات.
به‌ڵام هه‌ر كه‌سێك به‌ئاره‌زوو
نوێژه‌كه‌ی بفه‌وتێنێت یان به‌هۆی سه‌رقاڵبوونی به‌كاری بازرگانی و
دونیاوه‌ ئه‌وه‌ كۆمه‌ڵێك له‌ زانایان بۆچوونیان وایه‌ كه‌ ده‌بێت
بیگێرِێته‌وه‌، به‌ڵام به‌ڵگه‌كانیان به‌هێز نییه!
وه‌ كۆمه‌ڵێكی تر
كه‌ بۆچوونه‌كه‌یان په‌سه‌ندتره‌ ده‌فه‌رموون ده‌بێت كابرا بزانێت كه‌
تاوانێكی گه‌وره‌ی ئه‌نجام داوه‌ و بۆی نییه‌ بیگێرِێته‌وه‌ و پێویسته‌
ته‌وبه‌ بكات و جارێكی تر كاری وا نه‌كات.
و ئه‌مه‌ بۆچوونی ئیمامی
عومه‌ر و عه‌بدوڵڵای كوڕِی و سه‌عدی كوڕِی ئه‌بی وه‌قاس و سه‌لمانی فارسی
و ئیبن مه‌سعود و موحه‌ممه‌دی كوڕِی سیرین و عومه‌ری كورِی عه‌بدولعه‌زیز
و هه‌ندێك له ‌زانایانی مه‌زهه‌بی شافیعی و ئیبن ته‌یمییه‌ و ئیبن حه‌زم و
چه‌ندین زانای تره‌.
وه‌ ئه‌مه‌ بۆچوونی لیژنه‌ی فه‌توای هه‌میشه‌ی سعودیه‌یشه‌.
خوای گه‌وره‌ش زاناتره ‌(جل وعلا).‌
وصلى الله على نبینا محمد وعلى آله وصحبه وسلم.
- - - - - - - - - - - - - - - - - - - - - - - - - - - - - - - - -
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.