شێوازی بانگه‌واز(به‌شی هه‌شته‌م)

شێوازی بانگه‌واز(به‌شی هه‌شته‌م)



خاڵی چوارده‌یه‌م: له‌سه‌ر خۆ بوون و ڕوخۆشی کاتی دووان.


پێغه‌مبه‌ر( صلی الله‌ علیه‌ وسلم).ی پێشه‌وامان زار شیرین و ڕوو
گه‌شاوه‌و خۆبه‌ که‌م زان. داوه‌تی کرد خۆشه‌ویستی خۆی ده‌رده‌بڕی بۆ پیر
و جوان. له‌گه‌ڵ پیره‌ژن ومنداڵ ڕاده‌وه‌ستاو سه‌ری له‌ نه‌خۆشان ده‌داو
ده‌ستی هه‌ژارانی ده‌گرت. له‌ به‌ر خراپه‌ی ده‌شته‌کیان سه‌بری ده‌کرد.
خۆشی له‌ میوانان ده‌هات. پاشتر ده‌ستی لێ به‌رده‌دا ته‌وقه‌ی له‌گه‌ڵ
هه‌ر که‌س ده‌کرد. پشتی له‌ که‌س نه‌ده‌‌کردو هه‌رده‌م ده‌م
به‌زه‌رده‌خه‌نه‌ و بێ ئازار بو له‌ گه‌ڵ هه‌مووان. جاگه‌ر بێتو مرۆڤ وابێ
چۆن لای خه‌ڵکی خۆشه‌ویست تر له‌که‌سێ زێڕ ببه‌خشێ نابێ؟ کاتێ خودا موساو
هارونی هه‌ناردن (سه‌لامی خوایان لێ بێت) بۆ لای فرعه‌ون پێی سپاردن
به‌نه‌رمی له‌گه‌ڵی بدوێن که‌ له‌ سنوریش ده‌رچووبوو. .فَقُولا لَهُ قَوْلاً لَيِّناً لَعَلَّهُ يَتَذَكَّرُ أَوْ يَخْشَى
ئه‌وه‌ش په‌نده‌ تابانگخوازانیش ئاوابن. له‌ کردارو ووتاریاندا له‌گه‌ڵ
خه‌ڵکی به‌ رووی گه‌ش و زۆر له‌ سه‌ رخۆو دڵ واڵا بن. زانایانیش
فه‌رموویانه‌ له‌ پێناسه‌ی بانگخوازانی له‌ پێشینه‌ هه‌مووابون. چونکه‌
بانگخوازی ڕاست ده‌بێ بۆ گشت لایه‌ك به‌ته‌نها هه‌ر چاکه‌ی هه‌بێ. خوابه‌
پێغه‌مبه‌ر (صلی الله‌ علیه‌ وسلم) ی فه‌رموو. وَمَا أَرْسَلْنَاكَ إِلاَّ رَحْمَةً لِلْعَالَمِينَ
.الانبیا107. تۆ ته‌نها ره‌حمه‌ت وچاکه‌ی بۆ گشت لا‌یه‌. بانگخوازی شوێن
که‌وتووی ئه‌ویش ده‌بێ وابێ. به‌س بۆ چوونی خۆی به‌ته‌نها لا ڕاست نه‌بێ.
به‌ڵکو هه‌رده‌م له‌گه‌ڵ دۆستان و ده‌وروبه‌ر به‌راوێژو بیرو رابێ.
هه‌روه‌ک چۆن قورئان فه‌رمویه‌: وَشَاوِرْهُمْ فِي الأَمْرِ آل عمران .



وَأَمْرُهُمْ شُورَى بَيْنَهُمْ
الشوری 38. پێغه‌مبه‌ری پێشه‌وامان هه‌میشه‌ بۆ ئیش و کاران له‌ گه‌ڵه‌
یاران بۆ چه‌ندین بابه‌تی گه‌وره‌و گرنگ وه‌ک کاتی به‌درو دیله‌کان و
چه‌ندانی تر به‌راوێژ بوو. لای هه‌موولاش ئاشکرایه‌ بۆ چوونی دوان پتر له‌
یه‌ك سیانیش له‌ دوو زیاتر جیایه‌.


خاڵی پازده‌یه‌م: رێز گرتن و ره‌فتاری جوان له‌ گه‌ڵ هه‌موان.


پێویسته‌ بانگخوازی ووشیار سوپاسی چاکه‌ کار بکات له‌ سه‌ر چاکه‌ و
سه‌رکۆنه‌ی هه‌ڵه‌ کارانیش بۆخراپه‌. به‌س به‌ژیر بێژی و رێزه‌وه‌‌. رێزی
به‌ساڵا چووان و زانایان و هیچ چینێکی نێو کۆ مه‌ڵگه‌ له‌ بیر نه‌کات.
هه‌روه‌ها ئه‌و پاره‌ داره‌ی چاکه‌ کاره‌و هه‌رده‌م چاوی له‌ هه‌ژاره‌
سوپاس بکات. هه‌روه‌کو پێغه‌مبه‌ر بکات. که‌ له‌ سه‌ر به‌رزه‌ک ئه‌ی
فه‌رموو: غفر الله لعثمان ما تقدم من ذنبه وما تأخر .أخرجه أحمد في فضائل الصحابة 1/456 رقم 736 وإسناده ضعيف .. ، ما ضر عثمان ما فعل بعد اليوم أخرجه الترمذي 3701 وحسنه الألباني في التعليق على المشكاة 3/1713 .یان ئه‌ی فه‌رموو دعوا لي أصحابي
أخرجه أحمد في مسنده 3/266وصححه الألباني. مه‌به‌ستی ابو بکر بوو – هه‌روا
سوپاسی عومر و یارانی تر له‌ سه‌ر چاکه‌ ئه‌مه‌ش شێوازێکی جوانی
په‌روه‌رده‌ یه‌ نه‌وه‌ك خۆ به‌ره‌و پێش بردن هه‌رده‌م دارا له‌یادبوون
ونه‌دارانیش له‌بیرکردن.


خاڵی شازده‌یه‌م: داوه‌ت کردن به‌ئاشکرا یان نهێنی.


ده‌بێ بانگخواز به‌ ئاشکرا داوه‌ت بکات گه‌روا به‌ ئامانجی ده‌گات
وه‌ك چۆن له‌ نێو شارو گوندو جێگای گشتی ووتار ده‌دات. به‌ڵام گه‌رویستی
به‌ ته‌نها تاکه‌ که‌سێ مۆ ژیاری کات. زۆر به‌ نه‌رمی و به‌ نهێنی بیدوێنێ
و به‌ئاشکرا و له‌ نێو خه‌ڵکی نه‌ی شکێنێ. گه‌روا نه‌کات وا به‌ ئامانجی
ناگات و پێچه‌وانه‌ی ئه‌م شێوازه‌ خه‌ڵکی قه‌ڵس و توڕه‌ ده‌کات و پێده‌چێت
ئه‌و بۆ تۆڵه‌ی شکانی خۆی پاشان دژایه‌تی بکات. له‌م ته‌رزه‌ بیرو
کارانه‌ش زۆر ڕوویداوه‌ به‌رهه‌مه‌که‌شی وه‌ک پوش وپه‌ڵاش بووه‌به‌ده‌م
باوه‌‌.