سوودەكانى كەنگر بزانه

كەنگر یەكێكە لەو گیا نایابانەی كە لەگەڵ هاتنەوەی وەرزی بەهاردا لەزۆرێك لەدەشت و چیاكانی هەرێمی كوردستاندا دەردەكەوێ و تەواو سروشتیە و ئەو بەشەی كە شیاوە بۆ خـواردن دەكەوێتە ژێر زەوی و بەشە دڕكاویەكەی سەرەوەیشی فڕێ‌ دەدرێت .
كەنگر بە زۆر شێوە ئامادە دەكرێت بۆ خـواردن, بۆ نمونە: بەكاڵی و سورەوەكراوەی و لەگەڵ پیاز و هەندێكجاریش لەگەڵ هێلكەی كـوردی و بە سـاوەرەوە و بەتۆڵەكەوە و زۆر شێوازی تریش .
بەپێی زانیاریەكان, سەرەتا كەنگر لەووڵاتی میصر دۆزراوەتەوە, پاشان لەڕێی موسوڵمانەكانەوە بۆ ئیسپانیا و بەریتانیا و فەڕەنسا و ئیتالیا و ووڵاتانی تری ئەوروپی گوازراوەتەوە .
پسپۆڕانی خۆراكیش لێكۆڵینەوەی زۆریان لەسەر ئەم گیا بەهارییە كردووە و بۆیان سەلماوە كە كەنگر چەندین سوود و قازانجی نایاب و گرنگی بۆ تەندروستیی مرۆڤ هەیە, كە ئەمانەی لای خـوارەوە هەندێكیانن :
1 / كۆلیسترۆلی ناو خوێن كەمدەكاتەوە . 
2 / ڕێگرە لەبەردەم جۆرەكانی شێرپەنجە .
3 / ڕێگرە لەتووش بوون بەنەخۆشیەكانی دڵ .
4 / دژی كۆبوونەوەی چەورییە لەشانەكانی جگەردا .
5 / بەرگریی لەش لەدژی هەڵوەرینی مـوو زیاد دەكات .
6 / هاوسەنگیی خۆراك ڕادەگرێت .
7 / بۆ سوتاوی زۆر بەسوودە .
8 / كرداری هەرسكردنی خۆراك ئاسانتر دەكات .
9 / ئازاری ئەژنۆ و جومگەكان كەم دەكاتەوە .
10 / پێست جوان دەكات .
11 / پشوو بە گـەدە دەدات .
12 / دژی هەوكردنی جگەر و گورچیلەیە .