شێوازی بانگه‌واز به‌شی پێنجه‌م

شێوازی بانگه‌واز به‌شی پێنجه‌م





خاڵی نۆیه‌م:
ڕه‌شبینیی یان نائومێدی: له ڕاستیدا خراپه‌کار. هێنده زۆرن به‌بێ ئه‌ژمار.
به ڵکوو زۆربه‌ی زۆری خه‌ڵکی. سه‌رقاڵی شتی بێ که‌ڵکی پوچو خاڵین.
ئه‌وانه‌ی عه‌واداڵی ڕاستی و ڕه‌واتین. هه‌موو ده‌م هه‌ر که مایه‌تین.
ئه‌وه‌ش سوننه‌تی خودایه و گۆڕانکاری به سه‌ر نایه. سُنَّةَ اللَّهِ فِي الَّذِينَ خَلَوْا مِنْ قَبْلُ وَلَنْ تَجِدَ لِسُنَّةِ اللَّهِ تَبْدِيلاً ( الأحزاب:٦٢) .. بۆیه نابێ بانگخواز هیچ کات. ڕه‌شبینی یان نائومێدی ڕووی تێبکات. وَقَلِيلٌ مِنْ عِبَادِيَ الشَّكُورُ (سـبأ: ١٣) .. ئه‌وی سوپاس ده‌که‌ن له من. له نێو به‌نده‌کاندا که‌من. أَفَأَنْتَ تُكْرِهُ النَّاسَ حَتَّى يَكُونُوا مُؤْمِنِينَ (یونس: ٩٩)..ئایا تۆ زۆریان لێ ده‌که‌ی؟ تا به‌ره‌و باوه‌ڕیان ببه‌ی؟ إِنْ عَلَيْكَ إِلَّا الْبَلاغُ
(الشورى: ٤٨).. ئه‌وی له سه‌ر تۆ فه‌رمانه . ته‌نها گه‌یاندنی جوانه. جا
واتای ئه‌م ئایه‌تانه. وا ده‌خوازن. ئه‌و که‌سانه‌ی که بانگخوازن. له
ڕه‌شبینی و بێ هیوایی و توڕه‌بوونی به خۆڕایی بێنیازن. جا به جێی هه‌ریه‌ک
له ‌مانه. بۆ بانگخواز ئه‌رکی سه‌رشانه. وه‌ک پێغه‌مبه‌ر (صلى الله عليه
وسلم) ئه‌و ڕێی که بۆ ده‌رد ده‌رمانه. بۆ چاره‌سه‌ر بگرێته به‌ر. به جێی
ڕه‌شبینی گه‌ش بینی و. بێهیوایی هیوا به به‌زه‌یی خوایی و له سه‌ر خۆیی له
کردارداو نه‌رمونیانیی له کارداو. هه‌م ڕوو خۆشی له وتاردا له بیر نه‌کات.
ئه‌و بانگخوازه‌ی به‌و ئه‌ندازه‌ی که پێی ده‌کرێ. ئه‌م شێوازه وه‌به‌ر
ده‌گرێ. ئه‌وا کاره‌که‌ی سه‌ر ده‌گرێ و. ده‌توانێ ده‌ستی خه‌ڵک بگرێ و خه
ڵکی به‌ره‌و به‌هه‌شت ده‌بات. جا گه‌ر به ده‌میه‌وه هاتن، ئه‌وا سوپاسی
خواده‌کات. گه‌رنا خۆ خوا خۆی زانایه و حساب له‌گه‌ڵ گشتمان
ده‌کات..هه‌ندێ زانا فه‌رمویانه. بێباوه‌ڕان له‌م جیهانه. له باوه‌ڕداران
زۆرترن له‌م سه‌رده‌مه. له‌مانیشدا بیدعه‌چییان.. به‌س ژماره‌ی ڕاست و
دڵپاکانه که‌مه. هه‌روه‌ها پێویسته بانگخواز قه‌ت له کۆمه‌ڵگه جیا نه‌بێ و
دوور نه‌که‌وێ. نابێ ئه‌وان لێره بژین ئه‌میش له‌وێ. گه‌ر تێکه‌ڵ به
ژینیان نه‌بێ له کاره‌که‌ی سه‌رناکه‌وێ. ده‌بێ له نزیک بزانێ ده‌ردی
کۆمه‌ڵگه کامه‌یه و چ ده‌رمانێکی پێ ده‌وێ. وَكَذَلِكَ نُفَصِّلُ الْآياتِ وَلِتَسْتَبِينَ سَبِيلُ الْمُجْرِمِينَ
(الأنعام:٥٥) ..کاتێ خوا پێغه‌مبه‌ری نارد (صلى الله عليه وسلم) وه ئه‌م
په‌یامه‌ی پێ سپارد. بێباوه‌ڕ وتیان ده‌بوایه. به جێی مرۆڤ فریشته‌یه‌ک
بهاتبایه. لَوْلا أُنْزِلَ عَلَيْهِ مَلَكٌ
(الأنعام: ٨).. به‌ڵام ویستی خوا وه‌هایه. ئه‌وی پێغه‌مبه‌ری خوایه. نابێ
بوونێکی جییابن. ده‌بێ هه‌موو مرۆڤ بن و له گه‌ڵ خه‌ڵکی دا ژییا بن. بۆ
نموونه وه‌ک پێغه‌مبه‌ر (صلى الله عليه وسلم) . که چل ساڵی ژیانی خۆی له
نێو خه‌ڵکا بردبووه سه‌ر. بانگخوازیش هه‌ر ده‌بێ وابێ. له گه‌لی خۆی خۆی
دانه‌بڕێ. تا له خۆشی و ناخۆشییاندا به‌شدارو شاره‌زا بێ . له بارودۆخ
وردبێته‌وه و چاودێری کۆمه‌ڵگه‌که‌ی بێت، تا بزانێت له‌و نێوه‌دا. چی
ده‌وترێ و چی ڕوو ده‌داو کامه کێشه دێته پێشێ. گشت چینێک به سه‌رکاته وه
له بازرگان و جوتیاران کاسبکاروکرێکاران مامۆستایان و خوێندکاران, تا
شاره‌زای ژیانیان بێ و باش بزانێ که‌چی چاکه پێیان بڵێت له کاتی ده‌رس و
وتاران. بۆیه زانا فه‌رمویانه. بۆ بانگخواز ئه‌رکی سه‌رشانه.که مێژوی ئه‌و
باژێڕه‌ی ڕا ئه‌وی لێیه, چاک بزانێ: که له که‌یوه جێی ژیانه و کێ زۆرزان و
کامه زانا و کامیش نه‌زان یان که‌مزانه. بۆ ئه‌وه‌ی ئه‌وه‌ی که ئه‌یڵێ
بیڵێ به وردی و ژیرانه.