شێوازی بانگه‌واز کردن (به‌شی یه‌که‌م)

شێوازی بانگه‌واز کردن (به‌شی یه‌که‌م)



ته‌نها به‌ناوی خوای میهره‌بان، بێگومان کاری بانگه‌واز هونه‌رێکه‌ که‌وا
بانگخوازانی راستگۆ له‌ ژیانیاندا به‌رجه‌سته‌ی ده‌که‌ن و خۆیان
وهونه‌ره‌که‌شیان زۆربه جوانی ده‌رازێننه‌وه‌ وه‌ک چۆن وه‌ستایه‌ک به ‌هۆی
رێکی وجوان دانانی خشته‌کانه‌وه‌ کۆشکێک ده‌رازێنێته‌وه‌، یان هونه‌ری
پیشه‌سازی که‌چۆن پیشه‌سازان به ‌هۆی لێزانی و وردبینییانه‌وه‌ تێیدا
به‌ره‌و پێش ده‌چن و سه‌رکه‌وتن به‌ده‌ست ده‌هێنن... پێویسته ‌له ‌سه‌ر
بانگخوازان هه‌رده‌م خه‌مخۆری کاری بانگه‌وازبن و زۆر وردبین و
دووربینانه‌ هه‌نگاوه‌کانیان بنێن وشوێن پێغه‌مبه‌رصلی الله‌علیه‌وسلم
بکه‌ون، چوون ئه‌مان شوێن که‌وتووی ئه‌ون..



خاڵی یه‌که‌م: (الاخلاص) دڵپاکی له‌بانگه‌وازدا:
بێگومان گرنگه‌ بانگخواز سینه‌ساف و خاوه‌نی دڵێکی پاک بێت، له‌و کاره‌یدا
مه‌به‌ستی به‌س خودای تاک بێت، که ‌بناغه‌ی سه‌رکه‌وتنه‌و، دابی بانگخواز
هه‌رده‌م دونیانه‌ویستنه ‌مااسئلکم علیه من اجر (الایة فرقان57 ) قل ما اسئلکم علیه‌مناجر (الایة سبا47)که‌واته ‌بانگخوازی راست وایه، ‌دووره ‌له ‌حه‌ز له‌ ناوبانگ و ده‌سته‌ڵات و پله‌وپایه‌ (تێبینی:
واته: ‌ئه‌و ده‌سته‌ڵاته‌ی تێکه‌ڵ به‌سته‌مه‌و له‌ ئیسلامد اقه‌ده‌غه‌یه
‌ئه‌گه‌ر نه ‌مرۆڤی موسوڵمان نابێ بێده‌سته‌ڵات بێت)


خاڵی دووهه‌م: مه‌به‌ستی خۆدیاری کردن: پێویسته
‌بانگخواز وریابێ و مه‌به‌سته‌که‌ی له ‌پێش چاوو ئاشکرابێ که ‌بریتییه
‌له‌کاری چاکه‌کاری له‌جیهانداو بنبڕکردنی گه‌نده‌ڵی وجێگیربونی دین
له‌ژیندا..


خاڵی سێهه‌م: خۆجوان کردن به‌ره‌وشتی موجاهیدان:
بانگخواز وێنه‌ی موجاهدێک له ‌پێناوی خودادایه‌ ، چۆن رێی ئه‌و دژوار و
سه‌خته،‌ ئه‌میش وایه‌ چۆن موجاهد دژ به‌ دوژمنانی خودا ده‌جه‌نگێت له
‌مه‌یدانه، ‌ئه‌میش دژ به‌فێڵزانان و یاخی و ئاره‌زوو بازانه، ‌ئه‌وانه‌ی
که ‌به‌فێڵکردن خه‌ڵکی به‌ره‌و هه‌ڵدێر بردن پیشه‌یانه ویرید الذین یتبعون الشهوات ان تمیلوا میلا عظیما
(النساء27) که‌واته‌ ئه‌رکه‌ بانگخوازیش وه‌ک موجاهد به‌ره‌وشتی په‌سه‌ند
و به‌رز، له ‌به‌رانبه‌ر دوژمناندا خۆراگرو بێترس و له‌رز هه‌تا به
‌ئامانجی ده‌گات حتی اذااثخنتموهم فشدوا الوثاق فامامنابعد وامافداءحتی تضع الحرب اوزارها (سوره‌تی محمد4) له ‌گه‌ڵ دووباره‌ی رێزم بۆتان.


تا به‌شی داهاتوو.. جزاکم الله خیرا.

برای بچوکتان چاودێر.