نوێژ ئه‌گه‌ر چوو چۆن بگێڕدرێته‌وه‌؟

نوێژگێرانه‌وه‌ له‌سه‌ر بۆچوونی به‌هێزتر ئه‌گه‌ر عوزری شه‌رعیت نه‌بێ
گێرانه‌وه‌ی نییه‌ و له‌ ده‌ستت چووه‌! عوزر و پاساوه‌کانیش؛
خه‌و(به‌مه‌رجێ پشتگوێخستنی نوێژی تێدا نه‌بێ) ئه‌گه‌ر خه‌به‌رت
نه‌بوویه‌وه‌، بیرچوونه‌وه‌، لێ هه‌ڵه‌بوون(وا بزانی کردووته‌، به‌ڵام
دواتر بۆت ڕوون بوویه‌وه‌ نه‌تکردووه‌.)، جگه‌ له‌مانه‌ش نوێژ کۆکردنه‌وه‌
هه‌یه‌(جمع) بۆ کاتی نه‌خۆشی گران و باران(بۆ نوێژی جه‌ماعه‌ت) یان
سه‌فه‌ر، نوێژکورتکردنه‌وه‌ش هه‌یه‌(قصر) بۆ کاتی سه‌فه‌ر و جیهاد و
ترس...
به‌ڵام که‌سێک به‌بێ پاساو(عذر) نوێژێک بچوێنێ، ئیتر
گێڕانه‌وه‌ ناوێ، ده‌بێت تۆبه‌ بکات و له‌مه‌ودوای زیاتر خه‌مخۆر بێت له‌
نوێژه‌کانی، با سوننه‌تیش بکات به‌ڵكو خوای گه‌وره‌ به‌و سوننه‌تانه‌ بۆی
پڕ بکاته‌وه‌ له‌ قیامه‌ت.
ئه‌گه‌ر پاساوت هه‌بوو له‌ نه‌کردنی
نوێژێک، ته‌نها وتنی(الله اکبر) ده‌که‌ی و پێویست به‌ ڕوونکردنه‌وه‌ و
درێژه‌ ناکات چونکه‌ خوای گه‌وره‌ له‌ خۆمان باشتر ده‌زانێت چی ده‌که‌ین و
چی له‌ دڵماندایه‌.. پێغه‌مبه‌ر و هاوه‌ڵانیش نییه‌تیان به‌ ده‌م
نه‌هێناوه‌ بۆ نوێژ.. زیاتر بخوێنه‌وه‌ 224 و هه‌روه‌ها 1251 .
شایه‌نی
باسه‌ کارکردن و خوێندن و میوانداری و خه‌ریکبوون به‌ ئاهه‌نگ و بۆنه‌ و
..هتد هیچیان پاساو نین بۆ ئه‌وه‌ی نوێژێکیان بۆ بچوێنین!!
خوای گه‌وره‌ش زاناتره ‌(جل وعلا).‌
وصلى الله على نبینا محمد وعلى آله وصحبه وسلم.
- - - - - - - - - - - - - - - - - - - - - - - - - - - - - - - - -
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام